Dragutin Milivoj Domjanić — Fala — Tekst

Dragutin Milivoj DomjanićFala

Za vsaku dobru reč,
Kaj reći si mi znala,
Za vsaki pogled tvoj,
Za vsaki smeh tvoj, fala!

Tak malo dobrega
V živlenju tu se najde,
I če je sunce čas,
Za oblak taki zajde.

A ti si v srce mi
Tak puno sunca dala.
Kaj morem ti neg reć:
Od vsega srca Fala!

Pjesmu je svojedobno otpjevao i izvjesni Branimir "Johnny" Štulić, član sastava Azra