Dragutin Milivoj Domjanić — Golubi — Tekst

Dragutin Milivoj DomjanićGolubi

Broj otvaranja: 3042

Golubov je sivi par
sel se na obloku,
poldan ide, sunca žar
vidi im se v oku.
Nikoga već doma ni,
nigdo ih ne plaši.
Zvana čut je, zvon zvoni,
vse je sad pri maši.
Tam nad zlatni se oltar
glas molitvah diže,
tam i par sad moli star:
starci z ove hiže.
Tihe su, kak dan im taj,
radosti i tuge,
nemaju se kajat kaj,
moliju za druge.
Zvona je zamučal glas,
starci došli z maše.
je gdo molil i za nas
i za grehe naše?
- Golubi nam sivi sad
gučeju pod strehom:
"Najte da bi vi još kad
žalili za grehom!"




Powered by VegCook.net

© 2006-2024 cuspajz.com