Dragutin Milivoj Domjanić — Kmiči se... — Tekst

Dragutin Milivoj DomjanićKmiči se...

Kmiči se, kmiči,
Tihi su tiči,
Drema vre gaj i muči.
Noći su krila
Zemlju prekrila,
Vse si počiva i spi.
Zvončeki plavi
Spiju vu travi,
Rosa se drobna sveti.
Steze su male
V mehenu stale,
Vodit već nikoga nî.
Noć ti vre pada.
Kaj bi sad rada.
Želja za ljubavlju, ti?!
Prešli su rani
Mladosti dani,
Spi moja želja, spi!