Dragutin Milivoj Domjanić — Tičica i ja — Tekst

Dragutin Milivoj DomjanićTičica i ja

Kukmica mala na glavi,
drobni koraček sim, tam,
ali kad krila raširiš,
čisto pod nebom si mam.
Tam je za vsakog sunca,
tam je veselja za vse,
briga te, kaj je tu dole,
gdo ti tam gore kaj sme?
Vsejedno, kaj si tak mala,
tvoja popevka zvoni
dalko čez brege i dole,
če te nit videti ni.
Kukmica tebi na glavi,
meni na vuhu škrlak,
kaj nas je briga za koga,
pak si popevamo tak.