Dragutin Milivoj Domjanić — Tiho prihaja mrak — Tekst

Dragutin Milivoj DomjanićTiho prihaja mrak

Broj otvaranja: 2284

Tiho prihaja mrak,
Plah je njegov korak,
Ni ga čuti.
Oton Župančić

Tiho prihaja mrak,
Rože dišiju mi tak,
Gineju z ljubavi same.
Dojdi mi, dojdi mi sad,
Tak bi ti gladiti rad
Guste, dišeće prame.
Vsigde po poljih je mir,
Dojdi, ja čekam te zmir,
Dane, kaj puni su tuge.
Dojdi, da ja ti povem,
Kaj samo senjati smem
V noći bez kraja duge.
Dojdi, ves svet bu sad spal,
Nigdo za nas ne bu znal,
Nigdo nam tajnu ne sluti.
Tiho prihaja mrak,
Plah je njegov korak,
Ni ga čuti.




Powered by VegCook.net

© 2006-2024 cuspajz.com