Išli so ljudi daleko v tuđino,
ostavili žene, deco, domovino.
V keso so grudvo zemlje z doma deli
i mislili da celo Hrvatsko so zeli.
A kej će vam kesa za to zemljo drago
s koje si odnesel i mladost i snago,
a leko bi i v srce stala,
ta draga zemlja ka ti život dala.
Tu stari so naši ostavili kosti
i skrbeli, delali kej bo sega dosti.
A vi ste otišli v ropstvo egipatsko
zabili doma i ognjišče bratsko.
Delali bote za tuđina, stranca,
zabili mater i joca si starca.
Mislili ste da bo tam mane z neba,
a tam v šake plunoti treba.
A, Bože, ljudi po kej v tuđino,
ako ti se dela, imaš domovino.
A i to grudvo kojo si v kesi nosil
na nji bi žito i travo kosil.
Bilo bi kruha za tebe i brata
i za sakojega radnoga Hrvata,
jer ta zemljica se s kruhom rani
na nji se delaj i njo si brani.