Cinkuši — Prolog — Tekst

CinkušiProlog

Broj otvaranja: 1464

Kuš bute, čkomete, silencijum!
Vu mene blejete,
Bum puknul z muškete, če se
Zasmejete.
Trata-rata, rum-pum-pum,
Čujte kaj vam rekel bum!

V megli sem videl, videl sem v megli:
Seh križneh putov konec i kraj.
V meglenom blatu, v pogrebnom
Maršu,
Otkod nas nigda več nebu nazaj,
Ileri kak pilki, faklonosi,
Zaškrabani dijaki, larfonosi,
Pokapali su paradno starinsku reč Kaj.
Kak zvon je Kaj germelo,
Kak kres je Kaj plamtelo,
Kak jogenj, kak harfa vekomaj,
A oberpilko v gali,
S pogrebnom faklom v roki
Med ilerskimi fanti,
Mertvečkemi snuboki,
Španceral se
Doktor Ludwig von Gay.

Cinkuš je lajal v megli golgotski,
Pokapati smo znali furtinavek
Gospocki.

(Cinkuši / Miroslav Krleža / Cinkuši)

Cinkuši




Powered by VegCook.net

© 2006-2017 cuspajz.com