Dragutin Milivoj Domjanić — Bezeg se beli — Tekst

Dragutin Milivoj DomjanićBezeg se beli

Broj otvaranja: 2526

Bezeg se beli iz kmice,
kak je belo tvoje lice.
Bezeg stiha mi diši,
kak si sladka ti.
Gaj je tih i on posluša,
si i ti još budna duša?
Čeka si slavička gaj,
zmisliš me se kaj?
Ni slavička sad već čuti,
zginuli su kam i puti,
al moj tič ni prešel proć
v onu črnu noć.
Z bezga on popeva z kmice,
kak je belo tvoje lice,
z bezga, sladko kaj diši,
kak si sladka ti.




Powered by VegCook.net

© 2006-2019 cuspajz.com