Dragutin Milivoj Domjanić — Clair-obscur — Tekst

Dragutin Milivoj DomjanićClair-obscur

Broj otvaranja: 1283

V suncu je celo dvorišće,
v senci šuma spi.
Koga moje srce išće,
toga jošće ni.
Ne bojiš se ti kmice,
znaš sim pute vse.
Skoro buš mi dragal lice,
mam buš tu, kaj ne?
Težko bu ti, znam oditi,
pak bu taki dan.
- Zakaj mora pri nas ziti
sunce tak zaran?!




Powered by VegCook.net

© 2006-2019 cuspajz.com