Dragutin Milivoj Domjanić — Kad se nasmeješ — Tekst

Dragutin Milivoj DomjanićKad se nasmeješ

Broj otvaranja: 3016

Rosne se rože budiju,
v tihoj toj noći su spale.
Kad se nasmeješ, su v licu
sladke ti jamice male.
Nebo je v jutro tak jasno,
prešle su sence iz noći.
Kad se od srca nasmeješ,
tak su ti vesele oči.
Sunce vsi imaju radi,
tiči mu tak žvrgoliju.
Kad se ti meni nasmeješ,
v srcu popevke zvoniju.




Powered by VegCook.net

© 2006-2021 cuspajz.com