Dragutin Milivoj Domjanić — Kaj vrt si senja — Tekst

Dragutin Milivoj DomjanićKaj vrt si senja

Broj otvaranja: 2193

Vuz steze vu rožah
Rondele dišeće,
Ves vrt je pun sunca,
Da zrak vse trepeće.
Oblaček po nebu
Si stiha putuje,
A z trave još samo
Šćurica se čuje.
I rože su teške,
I lilije blede,
I jena kraj druge
Vre spiju rezede.
A ober rondelah
I rožah gizdavih
Tak čudni su kipci
Vu kuglah tih plavih.
Vse nekak je malo,
Vse nekak se menja,
To valjda je videt,
Kaj vrt si senja.




Powered by VegCook.net

© 2006-2024 cuspajz.com