Dragutin Milivoj Domjanić — Kesni sneg — Tekst

Dragutin Milivoj DomjanićKesni sneg

Broj otvaranja: 3662

Gusto padaš, vse pokrivaš
Beli, sipki snežek,
Stiha mi na zemlju padaj,
Naj joj biti težek.
Ona si počinut mora.
Snoćka je još spala,
Dobra nam je lani bila,
Vsega nam je dala.
Sada pak budi se vu njoj
Cvet dišeći, šari,
Travica zelena raste,
Klije ječmen jari.
Jabukah bu pak črlenih
Žita kakti zlata,
Dobroga bu vsega dala
Zemlja nam bogata.
Zato, kad na zemlju padaš,
Naj joj biti težek.
Stiha padaj, kak da dragaš,
Drobni, beli snežek.




Powered by VegCook.net

© 2006-2019 cuspajz.com