Dragutin Milivoj Domjanić — Konjičku — Tekst

Dragutin Milivoj DomjanićKonjičku

Broj otvaranja: 1504

Pantlek bi ti v grivu del
Svileni, crleni,
Kad bi tam me nosit smel,
Kam bi srce meni.
Srebrom bi te kovat dal,
Da letiš v daljine,
Ne bi stal, kad ti bi znal,
Kak mi srce gine.
Ti bi sad odnesel mam
Dragoj me pred vrata,
Kad bi znal, kak ja to znam
Kak je ona zlata.
Prosil bi ja, naj ti da
Vila lahka krila,
Kad bi moja rožica
Još mi verna bila.




Powered by VegCook.net

© 2006-2019 cuspajz.com