Dragutin Milivoj Domjanić — Loza žuti — Tekst

Dragutin Milivoj DomjanićLoza žuti

Broj otvaranja: 1859

Loza žuti,
grozdja već ni,
nikoga steza ne vodi,
tužen je kraj,
tihi je gaj,
jesen po cestah sad hodi.
Grozdja već ni,
ali zreli
kaplja, kaj v kmici se skriva.
Sunce bu v njoj,
v kapljici toj,
smeh i popevka bu živa.
Lepo je to:
more li gdo
sunca i radosti zbrati
i onda vse,
kak loze te,
drugom žalostnomu dati.




Powered by VegCook.net

© 2006-2021 cuspajz.com