Dragutin Milivoj Domjanić — Popevka — Tekst

Dragutin Milivoj DomjanićPopevka

Broj otvaranja: 2713

Popeva si tiček,
Kak srebro mu glas,
Zvoni mu popevka,
Zvoni mu do nas.
Tak zlatno je sunce,
Tak vesel je svet,
Dišiju si rože,
Odpira se cvet.
A ti si tak draga,
Kak nikaj mi nî,
Kak sladka popevka
Tvoj smeh mi zvoni.
I vse mi vu suncu
I cvetju je sad,
Tak rad te ja imam,
Tak strašno rad!




Powered by VegCook.net

© 2006-2019 cuspajz.com