Dragutin Milivoj Domjanić — Tkeš si — Tekst

Dragutin Milivoj DomjanićTkeš si

Tkeš si fletno, tiho tkeš,
Čul sem: skoro zamuž peš.
Al se niš ne veseliš,
Kaj si tužna, ne veliš.
Na vrbine kiša pada,
Morti imaš drugog rada?
Pust se v polju trusi mak,
Kaj ćeš, gdo je siromak.
Ni ti njega bilo žal,
Samo srce ti je dal.
Još ti buju mutne oči,
Duge su kraj stranjskog noći.
Tkeš si tiho, tugu tkeš,
Za bogatog zamuž peš.