Dragutin Milivoj Domjanić — V kesni čas — Tekst

Dragutin Milivoj DomjanićV kesni čas

Broj otvaranja: 1767

Sad se trava k travi stišće,
K klasu zvija klas,
Moje srce tebe išće,
Vu taj kesni čas.
Noć je budna, noć je duga,
Negdo me gledi:
To pri zglavlju moja tuga
Tiho si sedi.
Ona zna, kaj srce čeka,
Kaj se ne veli,
Kaj nlgdar se ne dočeka,
I kaj tak boli.
Sad se trava k travi stišće,
K zlatnom klasu klas,
Srce mi zabadav išće
Tebe v kesni čas.




Powered by VegCook.net

© 2006-2019 cuspajz.com