Dragutin Milivoj Domjanić — V snegu (1) — Tekst

Dragutin Milivoj DomjanićV snegu (1)

Broj otvaranja: 1598

Bregi vse bole su beli,
mehke su kape si deli,
toplo pod snegom je njim.
V selu iz vsake se hiže
kakti perjanica zdiže
tenki i plavkasti dim.
Vsi su vre zbrisani puti
nigde nit korak ni čuti,
skoro bu zaspal i dan,
meni se doma bit ne će,
želja me zove i vleče
v bele daljine te tam.
Nigdo ne treba me vodit,
sam bum ja mogel pogodit
k onoj, kaj ima me rad,
k roži ja dojdem prek vrta,
vrata su za me odprta.
- Joj, da ne moram nazad!




Powered by VegCook.net

© 2006-2019 cuspajz.com