Ove stare daske, ovo trdo drivo
sva ta rebra, ča su vali oglodali
rastučena prova i tanki pajoli
Još će more zvati kad se ure maknu
kada z one bande na suncu se taknu
ribari i mriže i svi barkajoli
Gledaj, to je svitlo ča nas jatu zove
ča nan daje forcu od prvega raja
a drivo na vodi podnit će sve muke
kada pisma krene do zadnjega kraja
Sad će novi vitar dignut' mlado perje
visoko nad stvari od ovega svita
samo more čisto, more bez malicje
vratit' će u porat ona mlada lita
A vesla na vodi, pasat će brez skrbi
sikuć' stare staze 'srid novega dana
i stat' će zgor' sunca
u nebesken hladu
čovik nasrid mora, galeb i batana
čovik nasrid mora, galeb i batana