Štefina je Baru
spredelal v hambaru.
Ivina je Jalžu
gori na najžu.
Marenu su Blaž
i njegov pajdaš.
Šusteru Joži
prst je boži
poslal vu štagelj
susedovu Cilu
ravno na šilo!
I sega je bilo
vu slami i senu,
Imbrina Štefu,
Pavlina Marenu.
V kuruzi,
v šenici,
po dnevu,
vu kmici,
meštrija koze pase,
i vu se i na se,
vužgi po semu
kaj da se!
I sred kopriv i sred drača
samo pritisni:
na to se još porez ne plača!
I tak mi delamo
i naši mlajši
tak delali bodu.
Je ni valda i to
"rezerverano"
samo za gospodu?!