Tomislav Ribič — Vir — Tekst

Tomislav RibičVir

Broj otvaranja: 1466

Počelo je kak i navek počne gda negdo nekoga napela na greh
Počelo je z zvezdanim dežđom na našim golim telesima
Vu hosti nedosanjanih senj
I noči vu jeftinom hotelu kaj dotikalvle nebo.
Počelo je kak i navek počne.Z duhom vekivečnosti
Vu iskanju zgublene duše.
Počelo je kak i navek počne. Z dežđom, zgublenim pogledima
Z lažima zapisanim vu koži, fkradenim jutrom.
Počelo je kak i navek počne gda je greh vu mislih, počelo
Je kak oluja kaj ostavla trage vu glibini vesmira.
Počelo je kak i navek počne, počelo je z dve zgublene duše vu šalici meda.
(Počelo je okrutno za one druge dve duše.)

I onda nas je zela plima. Morje nepoznatih glasof kaj su se skuplali oko nas
Z jenim pogledom si spretvorila vu trnje
kaj se zabolo v gutu i peče.
I bolest je došla vu naša iskanja. Mozek titra, vun bi skočil.
Svet postaje plavi blesek.
Povlekel sam se kak puž vu hižico. Napuknuto. Soba, zimska, mrzla.
Misel postaje prah. Reči kak tihe ribe iščeju pote, ne najdeju se.

Gliboko je morje nemirnih let gda reči postajeju vir.

A počelo je kak i navek počne… z dve zgublene duše vu šalici meda.




Powered by VegCook.net

© 2006-2024 cuspajz.com